Lustrabaatane AS er eit privat eig selskap som driftar ferjer og passasjerbåtar i Sognefjorden og Hardangerfjorden.
I 2009 overtok dagens eigarar selskapet som då heitte Hærum Trans AS, og drifta av ferja MF Urnes som trafikkerer heilårs-sambandet Solvorn-Ornes.
Sidan 2016 har Lustrabaatane AS drifta ferja MF Lustrafjord (tidlegare MF Odda og MF Fjærlandsfjord) i Nærøyfjorden der ho går mellom Flåm og Gudvangen i sommarmånadene. I 2017 starta me også opp med passasjerbåten MS Fjærlandsfjord (tidlegare MS Lady Anne) i Hardanger mellom Ulvik og Eidfjord om sommaren.
I 2018 utvida me vårt tilbod i Sognefjorden i sommarsesongen med daglege avgangar mellom Lærdal og Gudvangen med bil- og passasjerferja MF Lustrafjord.
Lustrabaatane AS er ein liten organisasjon som har fokus på sikker og gradvis vekst. Me er fleksible og løysingsorienterte og har fokus på kontinuerleg utvikling og forbetring.
